पाच जखमींना पुढील उपचारासाठी छत्रपती संभाजीनगर येथे दाखल 

गंगापूर, (प्रतिनिधी) : वैजापूर - गंगापूर रोडवरील जाखमतवाडी शिवारात शनिवारी दोन स्विफ्ट कारची समोरासमोर भीषण धडक होऊन मोठा अपघात घडला. धडक होण्याच्या काही क्षणांपूर्वी अपघात टाळण्याच्या प्रयत्नात आलेल्या मोटारसायकलचाही या दुर्घटनेत समावेश झाला. एकूण ८ जण जखमी झाले असून दोन्ही कारचे मोठ्या प्रमाणावर नुकसान झाले आहे.

या दुर्घटनेत स्विफ्ट कार (एमएच ०६ एझेड ७७७०) मधून बगेल कुटुंबीय वैजापूरकडून गंगापूरकडे येत होते. त्याचवेळी समोरून येणारी स्विफ्ट कार (एमएच ०४ डीएन ७१७४) ओव्हरटेक करताच दोन्ही गाड्यांची जोरदार समोरासमोर धडक झाली. धडक इतकी तीव्र होती की दोन्ही कारचा चक्काचूर झाला. दरम्यान, वैजापूरकडून येत असलेली मोटारसायकल (एमएच २० डीएक्स २४४९) अपघात टाळण्याच्या प्रयत्नात नियंत्रण सुटून कारला धडकली, यात मोटारसायकलवरील दाम्पत्यही जखमी झाले.

या दुर्घटनेत स्विफ्ट कारमध्ये जखमींची नावे पुढील प्रमाणे  : 

अमरसिंग भैय्यासिंग बगेल (वय ६० ),विजया अमरसिंग बगेल (५५),सौरभ अमरसिंग बगेल (वय २८), पीडब्ल्युडी वसाहत, गंगापूर, स्विफ्ट कार – एमएच ०४ डीएन ७१७४

बिलाल इकबाल पठाण (वय २०), फैजल अन्सार शहा (वय २९), मुस्तकीन बाबू शहा (वय २३), रा. गंगापूर, मोटारसायकलवरील जखमी पुढील प्रमाणे 

दादासाहेब मारुती साळुंके (वय ६३),मिनाबाई दादासाहेब साळुंके (वय ५८), वैजापूर तालुक्यातील रा. सिरसगाव,  

अपघातानंतर दाखल केले सर्व जखमींना तात्काळ उपजिल्हा रुग्णालय, गंगापूर येथे हलवण्यात आले. वैद्यकीय अधिकारी डॉ. चव्हाण, डॉ. आसेफा आणि डॉ. वालतुरे यांनी प्राथमिक उपचार केले.

यातील पाच जखमींना पुढील उपचारासाठी छत्रपती संभाजीनगर येथे हलवण्यात आले असून तीघांवर गंगापूर उपजिल्हा रुग्णालयात उपचार सुरू आहेत.

गंगापूर वैजापूर रोडवर घटनास्थळी नागरिकांची गर्दी , शनिवारचा आठवडे बाजार असल्यामुळे अपघातानंतर मोठी गर्दी झाली होती. पोहेकॉ. मनोज घोडके, पद्मकुमार जाधव आणि अजितसिंग नागलोत यांनी घटनास्थळी तत्काळ धाव घेऊन वाहने बाजूला करून वाहतूक सुरळीत केली. गंगापूर पोलिसांनी घटनास्थळाचा पंचनामा करून अपघाताची नोंद घेतली असून पुढील तपास पोलीस निरीक्षक कुमारसिंग राठोड यांच्या मार्गदर्शनाखाली बीट अंमलदार अमित पाटील हे करीत आहेत.